"S'durojmë më": Protestë në veri pas rrahjes së pretenduar të dy të rinjve serbë nga Policia e Kosovës
Gjatë ditës së djeshme u raportua se dy të rinj serbë ishin rrahur, dhe sot janë mbledhur bashkëfshatarët e tyre për të protestuar për një gjë të tillë.
Rasti u raportua të kishte ndodhur në fshatin Joshanicë, afër Leposaviqit. Të kontaktuar nga Nacionalja, Policia e Kosovës në Mitrovicë nuk kishte njohuri për një gjë të tillë.
Sidoqoftë, shumë banorë janë mbledhur sot në një protestë paqësore duke thënë se po ndihen të pasigurtë.
Kosovo-Online raporton, përcjell Nacionale, se “në protestën në Joshanicë, aktualisht janë rreth 200 banorë të Joshanicës por edhe të qyteteve përreth.”
Ata po konsiderojnë që rrahjet nga policët e Kosovës janë bërë më të shpeshta.
Aleksandra Boshkoviq, motra e njërit prej të rinjve që pretendohet se ishte rrahur, tha se vëllai i saj ishte mirë me shëndet por se nuk e dinte mendërisht a do të ishte mirë.
Ajo i kërkoi ndihmë presidentit të Serbisë për situatën (sic) e vështirë në të cilën ndodheshin.
Goran Vukojeviq, një tjetër banor, ndërkohë u shpreh: “Ata po i rrahin fëmijët tanë, nuk mund të tlerojmë më. Ata janë me uniformë...” – u shpreh ai.
