Rohde tregon prapaskenat: Kurti s’u bind për kompromis rreth CEFTA, nëse ka nevojë shtetet vazhdojnë pa Kosovën
Ambasadori i Gjermanisë në Kosovë, Jorn Rohde ka dhënë detaje nga takimi i kryeministrit të Kosovës, Albin Kurti me emisarin gjerman, Manuel Sarrazin.
Sipas Rohde, Sarrazin gjatë vizitës së tij tentoi ta nxisë Kurtin për kompromis rreth CEFTA-s, në mënyrë që UNMIK të zëvendësohet me Kosovën në bord.
Megjithatë, ai në shkrimin e tij në “X” ka thënë se nuk ka pasur sukses në këtë.
Kështu, ambasadori gjerman ka shtuar se nëse është e nevojshme, vendet tjera të Ballkanit Perëndimor do të vazhdojnë pa Kosovën.
“Manuel Sarrazin vizitoi Kosovën sërish për të nxitur Albin Kurtin që të bëjë kompromis për CEFTA-n, duke mundësuar liritë kryesore për qytetarët e Kosovës, duke zëvendësuar UNMIK-un me Kosovën në bord – pa sukses. Nëse është e nevojshme, vendet e tjera të Ballkanit Perëndimor do të vazhdojnë pa Kosovën, tani për tani, për të vazhduar me bashkëpunimin rajonal dhe Procesin e Berlinit.” - ka shkruar ai.
🇩🇪@ManuelSarrazin visited 🇽🇰 again to urge @albinkurti to compromise on CEFTA, enabling key freedoms for 🇽🇰 citizens, replacing UNMIK by 🇽🇰 on the board - unsuccessfully.
— Ambassador Jörn Rohde (@GermanAmbKOS) September 5, 2024
If needed, the other WEB countries will move on w/o 🇽🇰 for now, to go ahead w/ regional coop + Berlin Process pic.twitter.com/JetbpfRchb
