Reduktimet me energji, Ministria e Ekonomisë akuzon KEDS-in se po "toleron" vjedhjen e rrymës
Reduktimet e rrymës e kanë shtyrë të reagojë edhe Ministrinë e Ekonomisë. Përmes një komunikate, kjo ministri ka theksuar masat emergjente që Qeveria Kurti ka ndërmarrë.
Ministria e Ekonomisë, e udhëhequr nga ministrja Artane Rizvanolli, ka thënë se prodhimi ditor i KEK-ut është rreth 507 MWh, ndërsa kërkesa për konsum deri në 750 MWh.
Ndërsa, ndër të tjera, Ministria ka pasur edhe akuza të rënda në drejtim të KEDS, duke thënë se kompania turke po e lejon vjedhjen e rrymës.
“Humbjet komerciale (të shkaktuara nga vjedhjet) dhe teknike të Kompanisë KEDS janë 19%. Këto humbje ende mbulohen nga të gjithë, pra prodhimi ose importi, jo nga vet KEDS-i”, thuhet në komunikatën e lëshuar për media.
