Asamblistja Saraçi demanton VV-në: Kalimi im në PDK s’ka lidhje me asnjë kërcënim, është me vullnet timin
Asamblistja e Komunës së Prishtinë, Berna Saraçi ka hedhur poshtë pretendimet e degës së VV-së, që kalimi i saj në PDK ka mundur të jetë i detyruar.
Saraçi në një prononcim për Gazetën Nacionale, ka njoftuar se kalimi i saj në PDK s’ka lidhje me asnjë kërcënim dhe është i vullnetit të saj.
“Kalimi im në PDK s’ka lidhje me asnjë kërcënim. Është me vullnet timin.” – ka thënë Saraçi për Nacionalen.
Dega e Vetëvendosjes në Prishtinë kanë reaguar pas kalimit të Saraçit në PDK, duke uruar që vendimi i saj është marrë “me vullnet të lirë e jo ndrydhje e devijim i këtij vullneti siç na është paraqitur nga vetë ajo.”
Dega e VV-së në Prishtinë ka pretenduar se znj. Saraçi mund të jetë detyruar për të kaluar në PDK.
E këto pretendime i ka demantuar edhe nënkryetarja e Prishtinës, Donjeta Sahatçiu nga PDK-ja, ku përmes një postimi në Facebook, ka thënë se janë përpjekje shpifëse dhe linçuese, për të dekurajuar mendimet ndryshe dhe veprimet e guximshme mbi këto mendime.
Sahatçiu gjithashtu ka kërkuar edhe emrat e atyre që kanë kërcënuar.
