Rama reagon edhe një herë pasi mbrojti Kurtin: Më mbytënn miqtë nga Kosova

Kryeministri i Shqipërisë, Edi Rama ka bërë edhe një reagim tjetër në Twitter, pasi kritikoi opozitën në Kuvendin e Kosovës pas dhunës me grushta.

Ai tha se miq nga Kosova “e mbytën” që e mborjti kryeministrin Kurti.

“Më “mbytën” miq nga Kosova pse e paskam mbrojt Albinin, se shishen e parë e paska gjujt Bislimi dhe paska qenë VV që e paska hap kapitullin e dhunës në Kuvendin e Kosovës kur ishte në opozitë!” – tha ai.

Tutje, Rama deklaroi se s’i duhet të dijë kush e ka gjuajtur shishen e parë, pasi Kosova nuk ia ka askujt borxh “shfaqjen skandaloze të ditës së sotme”.

“Nuk më duhet kush e ka gjujt shishen e parë, mbase keni të drejtë ju, mbase jo, por nëse demokracia parlamentare katandiset në kush gjujti i pari atëherë kemi një problem edhe me kuptimin e demokracisë, edhe me kuptimin e këtij momenti kyç për Kosovën, e cila nuk ia ka borxh askujt besoj shfaqjen skandaloze të ditës së sotme.” – ka thënë tutje ai.

Në fund, Rama e theksoi se Kosova ka rënë poshtë në sytë e krejt botës demokratike për shkak të qasjes së Qeverisë.

“Dhe si dikush që e di mirë se sa poshtë ka rënë Kosova në sytë e krejt botës demokratike për shkak të qasjes së gabuar të qeverisë së saj, unë vazhdoj mendoj se çka ndodhi sot është e turpshme dhe jam i bindur se justifikimi i asaj shëmtie nuk e ndihmon, po e dëmton ende më shumë reputacionin e Kosovës, prandaj thashë dhe e them prapë se uroj që opozita të distancohet nga një shëmti e tillë!” – shkroi tutje kryeministri Rama.