Rama për raportet Kosovë-Serbi: Gjërat po ecin në drejtimin e duhur

Kryeministri Edi Rama, në një intervistë dhënë për median malazeze A Plus TV, ka folur për situatën ndërmjet Kosovës e Serbisë.

Rama ka thënë se edhe pse ka tension e sulme që shpeshherë janë të rënda, ndërmjet Vuçiq e Kurtit, ai prapë është optimist, se gjërat po shkojnë në drejtimin e duhur.

Ka edhe shumë sulme mes Presidentit të Serbisë dhe Kryeministrit të Kosovës, të cilat ndonjëherë janë edhe më të rënda. Imagjinoni nëse të gjithë do të shihnin vetëm bardh e zi dhe nëse të gjithë do të mbanin pozicionet e tyre dhe nëse askush nuk do të fliste me askënd. Gjërat nuk ishin më mirë. Pra, është gjithmonë më mirë të bisedoni me njerëzit, të përpiqeni të kuptoni arsyet, të paraqisni argumentet tuaja. Presidenti Vuçiç dhe unë kemi gjithmonë qëndrime shumë të forta, pikëpamje krejtësisht të ndryshme për çështjen e Kosovës, të cilën ai e quan Kosovë dhe Metohi. Për mua është shteti i lirë, demokratik, sovran i Kosovës. Mirëpo, nëse situata është e tillë për momentin, mendoj se ndërkohë gjërat, po përparojnë, gjërat po ndryshojnë. Gjërat po ecin në drejtimin e duhur. Ngadalë, por ata po lëvizin. Dikur nuk kishim komunikim dhe ishte e pamundur të imagjinohej që serbët dhe shqiptarët të ishin në të njëjtën tryezë. Pra, do të marrë kohë, do të marrë kohë, por kjo është në rregull”, komentoi Rama.

Sipas Ramës situata nuk do të jetë kurrë e lehtë duke pasur parasyshë atë që po ndodh në Ukrainë. Por sipas Ramës, ballkani nuk ka qenë në pozicion luftarak.

“Nuk do të jetë kurrë e lehtë dhe nuk pres që të bëhet më e lehtë. Mendoj se të gjithë duhet të përgatitemi për faktin se do të bëhet më e vështirë, sepse gjërat po ndërlikohen gjithnjë e më shumë në çdo front… Duhet të punojmë me zell, të përpiqemi të punojmë edhe më shumë, të mos humbasim besimin, jo për të vazhduar prej nga erdhëm. Ballkani, Ballkani Perëndimor nuk ka qenë kurrë në pozicion luftarak”, tha Rama.

Tutje Kryeministri i Shqipërisë pati vlerësime për deklaraten e Vuçiq në Davos të Zvicrrës, duke thënë se tregoi rrespekt.

“E ndoqa deklaratën e fundit të presidentit Vuçiq nga Davos dhe mendoj se ishte mjaft e respektueshme duke pasur parasysh mënyrën se si ai shprehu nevojën për të ecur përpara. Sigurisht, në mënyrën e tij karakteristike shumë të veçantë të komunikimit, por tregoi respekt.” Ka thënë Rama.