Putin lëshoi një urdhër të ri
Presidenti rus Vladimir Putin ka reaguar ndaj sulmeve brenda territorit rus që duket se kanë ardhur nga Ukraina. Ai urdhëroi ushtrinë e tij që t'i bënte sulmet prioritet gjatë një takimi të kabinetit për rindërtimin e banesave dhe infrastrukturës së shkatërruar në rajonet jugperëndimore të Rusisë.
"Sigurisht, detyra prioritare është të eliminohet vetë mundësia e granatimeve. Por kjo është puna e departamentit ushtarak", tha Putin.
Ai tha se rajonet ruse të Belgorod, Bryansk dhe Kursk, si dhe Krimea, të cilën Rusia e kapi nga Ukraina dhe e aneksoi në vitin 2014, ishin zona ku banesat u dëmtuan ose u shkatërruan.
“Shumë njerëz u gjendën në një situatë të vështirë, humbën shtëpitë e tyre, u detyruan të shpërngulen te të afërmit apo në banesa të përkohshme, u përballën me ndërprerje në furnizimin me ujë, ngrohje dhe rrymë”, tha ai.
Ndërsa Ukraina nuk ka marrë përgjegjësinë për sulmet, ajo i ka përshkruar ato si "karma" për pushtimin rus. Sulmet në Rusinë jugore përfshinin kryesisht objektiva ushtarake si nënstacionet elektrike dhe depot e armëve dhe karburantit. /Nacionale/
