Tentativa e 51-të për konstituimin e Kuvendit, deputetja Musliu e detyron Deharin ta ndërpresë seancën

Edhe për herën e 51-të, ka dështuar konstituimi i Kuvendit.

Kësaj radhe nuk pati votim fare.

Një situatë e çuditshme ka ndodhur seancën e sotme.

Deputetja Ganimete Musliu është afruar te kryesuesi Dehari dhe nuk e ka lejuar ta vazhdojë seancën, pa ia ndezur mikrofonin.

Si rezultat, Dehari tha se nuk ka kushte për vazhdimin e seancës.

Asnjëra palë nuk po heq dorë nga qëndrimet e veta.

Pro komisionit për votim të fshehtë sot ishin për deputetë. Seanca e radhës u caktua për të premten në orën 11:00.

Kanë mbetur veç edhe tri ditë afat, deri në zbatimin e aktgjykimit të Gjykatës Kushtetuese.

VV-ja nuk ka ndryshuar qasje as pas aktgjykimit të Gjykatës Supreme, i cili ka konstatuar se kryeministrit Albin Kurti dhe ministrat që janë zgjedhur deputet nuk mund të ushtrojnë funksione ekzekutive njëkohësisht.

Pavarësisht vlerësimeve të qartë të këtij aktgjykimi, VV-ja nuk ka hequr dorë nga skenari i saj, të cilin e ka praktikuar në këta tre muaj që kur ka filluar seanca konstituive.

Kryesuesi i seancës konstituive, Avni Dehari, ka vazhduar me refuzimin e edhe të zbatimit të Aktgjykimit të Gjykatës Kushtetuese në lidhje me votimin e fshehtë për kryetar të Kuvendit.

Ai edhe në seancën e fundit ua ka ndërprerë fjalën deputetëve të PDK-së, LDK-së dhe AAK-së, të cilët dilnin në foltoren e Kuvendit.

Pas dështimit të këtij votimi, kryesuesi i seancës konstituive, Avni Dehari, e ka ndërprerë seancën, duke njoftuar se përpjekja e radhës do të bëhet të premten në orën 11:00.

Një veprim të tillë PDK-ja, LDK-ja dhe AAK-ja e kanë cilësuar si shkelje të re të Kushtetutës së Kosovës.

Kjo ka bërë që PDK-ja dhe LDK-ja sërish për këtë çështje t`i drejtohen Gjykatës Kushtetuese.

Derisa deputetët bëjnë dështuan përsëri, afati 30 ditor për konstituimin e Kuvendit i vendosur nga Kushtetuesja është duke shkuar drejt fundit.

Në aktgjykimin e fundit, Gjykata Kushtetuese ka kërkuar që Kuvendit duhet të konstituohet brenda një muaj. Ky afat, sipas aktgjykimit, përfundon më 26 korrik.

Presidentja e Kosovës, Vjosa Osmani, dje bëri të ditur se i është drejtuar me pyetje Gjykatës Kushtetuese, duke kërkuar edhe masë të përkohshme.

“Dua t’ju njoftoj, të nderuara media, të nderuar qytetarë, që sot, në përmbushje të përgjegjësisë sime kushtetuese, për të garantuar funksionimin demokratik dhe kushtetues të institucioneve të vendit kam paraqitur kërkesë të Gjykata Kushtetuese për të shqyrtuar konfliktimin e kompetencave Kushtetuese të krijua nga mungesa e kosnstituimit të Kuvendit të Republikës të Kosovës. Kjo është një kërkesë që paraqitet pas një situate të paprecedent në jetën institucione të vendit tonë”, ka thënë Osmani.

Ajo ka vlerësuar se kërkesa e saj ka për qëllim qartësimin e pasojave juridike, nëse Kuvendit nuk konstituohet brenda 30 dite.

“Çdo moszbatim duhet të ketë pasoja juridike, por ato deri më tani nuk janë sqaruar. Kërkesa jonë në thelb është për qartësimin e këtyre pasojave nëse Kuvendi nuk konstituohet në kohë. Kjo është një përpjekje për të parandaluar pasoja të pariparueshme për rendin kushtetues të vendit”, ka thënë Osmani, duke dhënë detaje tjera.

“Qëllimi është të qartësohet situata lidhur me moskonstituimin e Kuvendit brenda afatit 30 ditor dhe të sqarohet se si ushtrohen kompetencat e secilit institucion kushtetues në mungesë të konstituimit. Duhet të sqarohet edhe çfarë ndodh nëse Kuvendi konstituohet pas 26 korrikut”, është shprehur Osmani.

“Së bashku me kërkesën për interpretim ne po ashtu kemi dorëzuar kërkesën edhe për masë të përkohshme, e cila kërkon edhe për pezullim të afatit kushtetues, e parandalon shkeljen e kushtetutës nga ana e Kuvendit, konstituimit pas afatit që do të ishte në kundërshtim me kushtetutën. Pa u pezulluar ky afat, ne nuk mund të parandalojmë këtë dëm të pariparueshëm. Jemi të bindur që kërkesa për masë të përkohshme. Po rrezikohet rendi kushtetues, mbes me shpresë që Gjykata Kushtetuese ta prioritizojë.”, ka thënë Osmnai.

Megjithatë, kërkesa për masë të përkohshme, ka shkaktuar reagime të mëdha, duke theksuar se nuk mund të vendoset masa, në aktgjykimet që ka dhënë vetë Gjykata Kushtetuese.

Në anën tjetër, mbetet të shihet se cili do të jetë epilogu i ofertës që Albin Kurti ia ka dhënë Fatmir Limajt.

Me Fatmir Limajn kemi pasur takim, me ç’rast biseduam zhvillimet politike. Vetëvendosja dhe unë si kryetar kemi shprehur interesim e gatishmëri për të bashkëqeverisur me Nisman. Kam bërë edhe ofertë konkrete për Nismën në mënyrë që gjithçakj të përbmybllet sa më shpejtë. Mirëpo kur këto bisedime të kenë rezltate finale mund të flasim”, tha ai.