Policia jep detaje nga aksidenti në Fushë Kosovës, pesë të lënduar
Gazeta Nacionale pak më parë ka raportuar për një aksident të rëndë në mes dy veturave në Fushë Kosovë.
Zëdhënësja e Policisë së Kosovës për rajonin e Prishtinës, Flora Ahmeti ka bërë të ditur për Nacionale se nga aksidenti janë lënduar pesë persona.
“Rreth orës 18:00 kemi pranuar informatën se në rrugën Prishtinë Fushë Kosovë, ka ndodhur një aksident trafiku me lëndime. Në këtë aksident kanë qenë të përfshira dy automjete. Si pasojë e aksidentit lëndime trupore kanë pësuar pesë persona. Me rastin po merret njësiti i trafikut.” – ka bërë të ditur Ahmeti.
