Përvjetori i themelimit, Krasniqi: PDK lindi nga idealet më të larta të lirisë dhe u bë shtylla kryesore e shtetndërtimit të Kosovës
Kryetari i PDK-së, Memli Krasniqi, e ka vlerësuar lart rolin e PDK-së në procesin e shtendertimit të Kosovës.
Derisa e ka publikuar një video-adresim për 26-vjetorin e themelimit të PDK-së, ai ka ku ka shprehur mirënjohje, krenari dhe besim të plotë në të ardhmen e partisë dhe të Kosovës.
Ai ka bërë me dije se PDK-ja ka lindur nga idealet më të larta të lirisë dhe është bërë shtylla kryesore e shtetndërtimit të Kosovës.
“Të dashur anëtarë, aktivistë dhe mbështetës të Partisë Demokratike të Kosovës, sot, në 26-vjetorin e themelimit të PDK-së, partisë sonë, partisë suaj, po ju drejtohem me mirënjohje të thellë dhe me shumë krenari. Urime të gjithëve!”, ka thënë Krasniqi.
