Peci fshihet pas çadrës, Prokuroria tregon se ai u intervistua si i pandehur
Ish-ministri i Bujqësisë, Faton Peci, sot është intervistuar nga Prokuroria Speciales e Kosovës.
Ai për disa orë është intervistuar në cilësinë e të pandehurit.
Lajmin e për gazetën Nacionale e ka konfirmuar zëdhënësja e Prokurorisë, Nora Luta.
“Ju njoftojmë se z. Faton Peci është intervistuar në cilësinë e të pandehurit në rastin e granteve,i cili është në trajtim nga Prokuroria Speciale e Republikës së Kosovës”, ka thënë ajo.
Kurse, Faton Peci, tani kryetar i Mitrovicës, nuk e ka thënë asnjë fjalë para mediave pas intervistimit.
Duke dal nga prokuroria, ai e ka përdorur çadrën e tij për të mos folur për gazetarin e Dukagjinit, i cili i shtronte pyetje.
As avokati i tij Taulant Hodaj nuk ka treguar se në çfarë cilësia është intervistuar Peci.
“Qytetar, qytetar”, janë fjalët që i ka thënë Hoda, derisa Peci largohej.
