Osmani mirëpret thirrjen e ShBA-së që Serbia t'i largojë trupat ushtarake nga kufiri me Kosovën
Presidentja e Kosovës, Vjosa Osmani ka mirëpritur deklaratën e administratës Biden që Serbia t’i tërheqë forcat nga kufiri.
Osmani përmes një shkrimi në Twitter, ka bërë të ditur se ka mirëpritur edhe thirrjet e ShBA-së ndaj Serbisë që t’i mbajë përgjegjës ata që planifikuan dhe kryen sulmin kundër Policisë së Kosovës.
“Armët e fshehura në veri të Kosovës paraqesin rrezik të konsiderueshëm si për Policinë e Kosovës ashtu edhe për trupat e NATO-s në Kosovë. ShBA-ja po punon me aleatët e NATO-s për të adresuar përpjekjet për të destabilizuar Kosovën dhe për të minuar sigurinë e të gjithë qytetarëve të saj.” - ka shkruar Osmani.
Osmani ndër të tjera ka shkruar se Kosova mbetet e përkushtuar për të punuar ngushtë me ShBA-në dhe aleatët e tjerë të NATO-s për të adresuar sfidat e sigurisë.
"Ne mbetemi të përkushtuar për të punuar ngushtë me SHBA-në dhe aleatët tanë të tjerë të NATO-s për të adresuar sfidat e sigurisë dhe për të mbrojtur liritë tona të fituara me vështirësi."- ka përfunduar Osmani.
1/ The United States always stands by Kosovo & its people.
— Vjosa Osmani (@VjosaOsmaniPRKS) September 29, 2023
I welcome the clear statement by the Biden Administration, calling out Serbia's highly destabilizing actions against 🇽🇰:
➡️ Calling for accountability for those who planned & carried out the attack against 🇽🇰 Police.
