Ngrohët e me diell, parashikimi i motit për sot

Mot i ngrohtë mbetet deri në fundjavë, me vransira e intervale me diell.

Ditën e diel orëve të pasdites dhe mbrëmjes priten të reshura shiu, që kohëpaskohe do të vazhdojnë edhe ditën e hënë.

Indeksi i cilësisë së ajrit mbetet më gjatë në vlera të dobëta dhe shumë të dobëta, kryesisht orëve të mbrëmjes, e gjatë ditës në disa stacione do të jetë në vlera të pranueshm.

23.02 - Mbetet ngrohtë. Paradite intervale me diell, e gjatë ditës shtim i vransirave.

24.02 - Vransira e intervale me diell. Vende-vende mundësi për riga lokale shiu.

25.02 - Ngrohtë me vransira dhe intervale me diell.

26.02 - Vransira dhe intervale me diell. Pasdite vonë dhe në mbrëmje reshje të dobëta shiu. Viseve malore edhe borë.

27.02 - Kryesisht me vransira dhe kohëpaskohe me reshje të dobëta shiu.

Temperaturat minimale luhaten ndërmjet 0C e 4C, ndërsa maksimalet mbesin të larta deri ditën e shtunë, ndërmjet 14C e 16C. Nga dita e diel pësojnë rënie në 9C e 12C.

Era frynë e lehtë dhe mesatare nga jugu e jugperëndimi 4-10m/s. Në fundjavë më të shprehura me hove edhe prej 14 e 15m/s.

Shtypja atmosferike gradualisht në rënie edhe nën vlera normale.