NATO mirëpret largimin e barrikadave: KFOR i gatshëm të ndërhyjë nëse ka nevojë
Për largimin e barrikadave në veri të vendit ka reaguar edhe NATO, duke thënë se mirëpret përpjekjet për të ulur tensionet.
Përmes një postimi në Twitter, zëdhënësja e NATO-s, Oana Lungescu ka thënë se pret që të gjitha palët t’u përmbahen angazhimeve të tyre.
“NATO mirëpret përpjekjet për të ulur tensionet në veri të Kosovës. Ne presim që të gjitha palët t'i përmbahen angazhimeve të tyre,” ka shkruar Lungescu.
Më tej ajo ka thënë se, KFOR është duke monitoruar nga afër dhe është i gatshëm të ndërhyjë nëse ka nevojë.
“NATO_KFOR po monitoron nga afër dhe është i gatshëm të ndërhyjë nëse është e nevojshme, në përputhje me mandatin e OKB-së për të ruajtur lirinë e lëvizjes,” përfundon postimi i Lungescu.
#NATO welcomes efforts to de-escalate tensions in northern #Kosovo. We expect all parties to stick to their commitments. @NATO_KFOR is closely monitoring & stands ready to intervene if necessary, in line with its #UN mandate to maintain freedom of movement. pic.twitter.com/ujvhWpXIl8
— Oana Lungescu (@NATOpress) December 29, 2022
