Momenti kur ish-nxënësja amerikane futet me armë të gjatë në shkollë dhe vret 6 persona
Në medie është publikuar një video ku shihet sulmuesja Audrey Elizabeth Hale duke hyrë e armatosur në një shkollë fetare në Nashville të ShBA-së.
Ajo shihet duke qarkulluar fillimisht me një veturë përreth shkollës, pastaj i godet me plumba dyert në një hyrje të shkollës.
Sulmuesja shihet me një armë të gjatë në dorë dhe me një jelek të zi. Ajo hyn e del nëpër disa dyer në korridoret e shkollës.
Policët e qëlluan për vdekje sulmuesen. Policia lokale i identifikoi viktimat si Evelyn Dieckhaus, Hallie Scuggs, William Kinney, Cynthia Peak, Katherine Koonce dhe Mike Hill.
Duke e vajtuar sulmin, presidenti amerikan, Joe Biden, e përsëriti thirrjen e tij ndaj Kongresit për të miratuar një reformë domethënëse për kontrollimin e armëve, përfshirë vendosjen e ndalimit të armëve sulmuese.