Miratohet projektligji për shëndetin riprodhues - një votë kundër e katër abstenime
Kuvendi i Kosovës pas katër tentimeve ka votuar në parim Projektligjin për shëndet riprodhues dhe fertilizim të asistuar mjekësor, që ishte kundërshtuar ashpër nga disa deputetë të Vetëvendosjes.
Në votimin e këtij Projektligji morën pjesë 63 deputetë nga 85 deputetë që ishin në sallën e Kuvendit.
58 deputetë votuan për, një kundër që ishte deputeti i VV-së, Fitim Haziri dhe katër kanë abstenuar, që po ashtu janë pjesë e grupit parlamentar të VV-së.
Mes deputetëve që kanë votuar pro për këtë Projekligj, janë edhe disa deputetë të LDK-së.
