Ministri i Mbrojtjes i Serbisë: Presim zgjidhje politike, deri në ora 14:00 ushtria plotësisht në gatishmëri
“Jemi në pritje të një zgjidhje politike”, ka thënë Ministri i Mbrojtjes i Serbis, Millosh Vuçeviq, i cili i tha se deri në ora 14:00 të pasdites do të “përfundojnë zhvendosjen e njësive ushtarake” siç ka urdhëruar Presidenti i Serbisë, Aleksandar Vuçiq, të premten.
“Njësitet e Ushtrisë së Serbisë do të jenë të përgatitut për të kryer çdo urdhër, me shpresën që të gjejmë zgjidhje politike”, tha ai, siç e cituan mediat serbe.
Vuçeviq pati kritika edhe qortim edhe ndaj KFOR-it, për të cilët tha se po mbrojnë Policinë e Kosovës “dhe uzurpuesit e demokracisë”.
“Kordoni i KFOR-it mua mnë duket që është kordon për të fuqizuar mbrojtjes e Policisë së Kosovës kundër njerëzve duarthatë...Sot ambasadori amerikan në Prishtinë ftoi këta kryetarët të vetëshpallur të zgjedhur në kontonjerë, dy prej të cilëve u përgjigjën – dy nga partia e Thaçit, dy nga të Kurtit nuk u përgjigjën. As aty nuk është kompletuar”, ka thënë Millosh Vuçeviq.
“I takon politikës dhe diplomacisë që të gjejnë zgjidhje politike...pritet që kjo do të zgjidhet politikisht”, ka thënë ministri serb.
