"Mesazh në vetvete", Krasniqi reagon pas bojkotit të ambasadorëve të QUINT-it në pritjen për Ditën e Çlirimit

Në ceremoninë shtetërore për të festuar përvjetorin e çlirimit të Kosovës, munguan udhëheqësit e partive opozitare, si dhe ambasadorët e vendeve të QUINT-it. Memli Krasniqi, kryetari i Partisë Demokratike të Kosovës, shpjegoi arsyen pse nuk mori pjesë në ceremoninë e organizuar së bashku nga presidentja Vjosa Osmani, kryeministri Albin Kurti dhe kryeparlamentari Glauk Konjufca.

Në një përgjigje për Kallxo, Krasniqi argumentoi mungesën e tij në ceremoni duke thënë se kishte pranuar një ftesë nga kryetari i Ferizajit, Agim Aliu, për të qenë pjesë e festës së përvjetorit të çlirimit dhe 150-vjetorit të themelimit të Ferizajit. "Kam në Ferizaj sepse kam konfirmuar që do të marrë pjesë këtu në shënimin festiv të ditës së çlirimit dhe të 150-vjetorit të themelimit të qytetit", u përgjigj Krasniqi.

Lidhur me mungesën e ambasadorëve të QUINT-it, Krasniqi theksoi se ky fakt përfaqëson një mesazh në vetvete. "Besoj se mungesa e tyre është një mesazh në vetvete, por për të kuptuar se çfarë mesazhi është, duhet t'i pyesim ata", ka pohuar Krasniqi.