Mblidhet Qeveria, miraton Programin Kombëtar për Integrimin Evropian 2023-2027
Qeveria e Kosovës ka njoftuar se ka mbajtur në mbledhje elektronike gjatë ditës së sotme.
Në njoftimin e Zyrës së Kryeministrit, bëhet e ditur se është miratuar një projektligj dhe tri vendime.
Qeveria ka miratuar projektligjin për ndryshimin dhe plotësimin e Ligjit për Tatimin në pronën e Paluajtshme.
Po ashtu, është miratuar edhe Programi Kombëtar për Integrim Evropian 2023-2027.
“…Vendimin për miratimin e Programit Kombëtar për Integrim Evropian 2023-2027. Programi është dokumenti kryesor Strategjik i Republikës së Kosovës për zbatimin e reformës për integrim në Bashkimin Evropian, i orientuar kah adoptimi aquis së BE-së në legjislacionin kombëtarë dhe zbatimin e tij.” – thuhet në njoftim.
Komunikata e plotë:
Qeveria ka mbajtur mbledhje elektronike në të cilën ka miratuar:
– Projektligjin për ndryshimin dhe plotësimin e Ligjit Nr. 06/L-005 për Tatimin në Pronën e Paluajtshme. Qëllimi i këtij Ligji është të sigurojë progresivitet të shkallës tatimore, lirim tatimor për vendbanimin parësorë dhe tokat bujqësore, faljet tatimore për vitin tatimor 2023 dhe rregullat kufizuese për aplikimin e detyrimit tatimor, dhe interesit.
– Vendimin për ndryshimin dhe plotësimin e Vendimit të Qeverisë Nr. 03/111 të datës 7 dhjetor 2022.
– Vendimin për ndryshimin dhe plotësimin e Vendimit të Qeverisë Nr. 01/23, të datës 8 prill 2020.
– Vendimin për miratimin e Programit Kombëtar për Integrim Evropian 2023-2027. Programi është dokumenti kryesor Strategjik i Republikës së Kosovës për zbatimin e reformës për integrim në Bashkimin Evropian, i orientuar kah adoptimi aquis së BE-së në legjislacionin kombëtarë dhe zbatimin e tij.
