Marsh paqësor në Prishtinë për solidarizim me familjen e Heroit Afrim Bunjaku
Sot do të mbahet një marsh paqësor për solidarizimin me familjen e policit të vrarë në veri, Afrim Bunjaku.
Ky marsh do të mbahet nën moton “Stop diskriminimit të qytetarëve, solidarizim me familjen e Heroit të Kosovës – Afrim Bunjaku, i vrarë në veri”.
Organizimi mbahet në sheshin “Ibrahim Rugova” të Prishtinës me fillim nga ora 11.00.
Kujtojmë se rreshteri Afrim Bunjaku u vra të dielën në Banjskë të Zveçanit nga një grup terrorist që u futën në territorin e Kosovës.
