Arrihet marrëveshje 'elektorale dhe politike' PDK - NISMA për zgjedhjet e 7 qershorit

Fatmir Limaj, kryetar i NISMA Socialdemokrate, ka formalizuar mbështetjen për PDK-në në zgjedhjet e 7 qershorit.

Marrëveshja u arrit me kryetarin e PDK-së, Bedri Hamza, pas një takimi në selinë e NISMA-s.

Limaj njoftoi se dy subjektet "kanë arritur pajtim për të nisur një bashkëpunim strategjik politik, elektoral, qeverisës dhe organizativ."

Ai shtoi se partneriteti mbështetet në "orientimin euroatlantik, partneritetin e përhershëm me Shtetet e Bashkuara të Amerikës dhe rolin historik të UÇK-së."

Hamza, në anën tjetër, e cilësoi marrëveshjen si "një hap të rëndësishëm drejt një bashkëpunimi afatgjatë politik, institucional, qeverisës dhe partiak."

Ai iu drejtua mbështetësve me slloganin që "Më 7 qershor, bashkë do t'i themi STOP krizës dhe do ta ndryshojmë Kosovën."

Dy javë më parë, Kryesia e PDK-së e pati hedhur poshtë kërkesën e Limajt për vend në listën zgjedhore të PDK-së.

Çështja nuk ishte hedhur as në votim.

Hamza pati konfirmuar për media se "kësaj radhe nuk do të ketë të përfshirë në listë të PDK-së."

Sipas burimeve brenda Kryesisë, PDK-ja synonte t'ia "testonte" mbështetjen Limajt.

Perspektiva afatgjate ishte "shkrirja" e plotë e NISMA-s në PDK.

Limaj vetë e kishte shprehur këtë qëllim në "Debat Plus" se "jemi të interesuar të bashkohemi dhe të shkrihemi në një formacion të përbashkët."

Ai kishte vlerësuar se sinergija mes dy partive mund t'i sjellë PDK-së "40.000 vota, 30.000 vota shtesë për shkak të sinergjisë."

NISMA në zgjedhjet e fundit parlamentare rreth 15 mijë vota më 28 dhjetor 2025.

Në këto zgjedhje nuk u regjistruan si subjekt i pavarur për këto zgjedhje.

Brenda PDK-së, zërat pro Limajt vinin kryesisht nga rajoni i Drenicës.

Kryetari i Drenasit, Ramiz Lladrovci, kishte deklaruar se "jo vetëm Fatmiri, por çdo veprimtar i lirisë e ka vendin në PDK."

Ish-deputeti Mërgim Lushtaku kishte qenë po aq i mbështës duke shkruar "po të varej nga unë, kjo çështje do të ishte e kryer, sepse qëndrimi im ka qenë dhe mbetet PËR."

Hamza në njoftimin e tij, tha se "me Fatmirin na kanë bashkuar vlera, ideale dhe përgjegjësia për vendin," tha ai.