“Le të jetë ky mesazh”, Presidentja Osmani reagon për dënimin me burgim të përjetshëm ndaj Krivaqës
Presidentja e vendit Vjosa Osmani, ka reaguar për dënimin me burgim të përjetshëm ndaj Dardan Krivaqës për vrasjen mizore ndaj Marigona Osmanit.
Krivaqa mori dënimin kapital nga Gjykata Themelore në Ferizaj. E ndihmësi i kësaj vepre Arbër Sejdiu u dënua me 15 vjet burgim.
Presidentja Osmani ka shkruar në Facebook, në lidhje me këtë Aktgjykim, duke theksuar se ky duhet të mbetet mesazh, për të gjtih ata që e përdorin dhunën ndaj grave si mjet.
Tutje Osmani është shprehur se femicide do të ndalet.
E plotë:
Autorët e femicidit meritojnë dënim kapital. Ashtu siç u dënua sot vrasësi e torturuesi i Marigona Osmanit.
Le të jetë ky një mesazh për të gjithë ata që zgjedhin dhunën ndaj grave si mjet.
Dhuna nuk do të tolerohet!
Femicidi do të ndalet!
