Një qytetar e akuzoi komunën se e vuri Anton Çettën si katolik, Twitteri 'shpërthen' me polemika - NACIONALE

Një qytetar e akuzoi komunën se e vuri Anton Çettën si katolik, Twitteri 'shpërthen' me polemika

2 muaj më parë

nga Arta Avdiu

Pas katër vjetësh pritje, sot është bërë përurimi i shtatores së humanistit, Anton Çetta. Përurimi i shtatores, u bë në oborrin e Fakultetit të Filologjisë.

Me rastin e përurmit, i pari i Prishtinës, Përparim Rama, tha se Kosova është me fat që ka lindur një njeri si Çetta.

“Ishte fillimi i viteve të 90-ta, zullumet e pushtimet të atëhershme po u trashnin. Për baraspeshë po punonte edhe trashëgimia e lashtë zakonore. Ai ishte intelektual, studiues. Ai themeloi komitetin e faljes së gjakut. Jemi njerëz me shumë fat, që Kosova jonë lindi një njeri kaq të madh”, ka thënë ai.

Por, figura e njeriut që dikur pajtoi mijëra shqiptarë që ishin në gjakmarrje, ka ngjallur një debat në rrjetin social "Twitter". Edhe më konkretisht, përkatësia e tij fetare, të cilën pothuajse asnjëherë nuk e potencoi vetë Çetta në të gjallë, u bë temë diskutimi.

Përurimin e kësaj shtatore nuk e kanë pritur të gjithë mirë, teksa disa qytetarë janë ankuar për vendosjën e shumë simbolevë krishtere në kryeqytetin e Kosovës.

Polemika në Twitter

Një qytetar me emrin Armend Krasniqi, ka shkruar në Twitter, duke e kundërshtuar vendosjen e Shtatorës së Profesor Çettës në Kryqytet, pasi e ka konsideruar si simbol të krishterë.

“Ja nisën, përseri një simbol i krishterë në qëndër të Prishtinës.. a nuk do duhej një debat publik para se të ndërmarrnin një veprim të tillë servilosës”, shkruan Armend Krasniqi në Twitter.

Pak, më ndryshe e sheh çështjen e shtatorës së Çettës, qytetari me nickname “dardalbanian”. Në replikë i thotë se se Anton Çetta është më shumë se sa një i krishterë, por pajtohet se Prishtina nuk i përfaqëson të gjitha komunitetet fetare barabartë.

Nërsa, qytetari me emrin Shpend Lila, i reagon duke i thënë se Anton Çetta e tejkalon fenë.

E, një tjetër qytetar me pseudonim Ylluminati, tregohet pak i ashpër dhe i përgjigjet duke ia kërkuar emrin e një hoxhe që është i denjë për një shtatore të tillë.

Kundërshtimet e mëhershme

Vajzat e Anton Çettës kishte kundërshtuar vendimin e Ipeshkëvisë së Kosovës që shtatorja e Anton Çettës të vendosej në oborrin e Katedrales “Nënë Tereza” në Prishtinë një vit me parë.

Përmes një postimi në Facebook, Donika Çetta – Junçaj dhe Agata Çetta kishin kundërshtuar vendimin, duke thënë se një gjë e tille nuk qëndron në përputhshmëri me misionin e profesor Çettës.

"Siç dihet, veprimtaria e tij ka qenë në sferën e shkencës, arsimit dhe politikës kombëtare në një̈ kuptim mbipartiak e mbifetar. Kujtesa për këtë veprimtari duhet të ruhet në hapësirat publike që i përgjigjen më mirë misionit të tij të madh kombëtar dhe duhet të ruhet si e tillë edhe për brezat që vijnë pas." - thuhej ndër të tjera në deklaratën e familjes së albanologut të madh.

"Ne vlerësojmë se figura e babait duhet të jetë model që transmeton tek gjeneratat e reja vlerat duke tejkaluar të gjitha dallimet e një shoqërie multireligjioze ku ndodhemi ne, model i paanësisë dhe dinjitetit.Vendosja e shtatores brenda mureve të oborrit të Katedrales, do të binte ndesh me parimet dhe qëllimet e tij, prandaj ne si familje nuk e miratojmë një vendim të tillë dhe shpresojmë shumë nëmbështetjen Tuaj dhe mirëkuptimin e vendosjes së shtatores përballë Fakultetit Filologjik aty ku e ka miratuar Kuvendi Komunal." - theksohej tutje në deklaratë.

E pas reagimit të familjes, një deklaratë publike e kishte dhënë edhe Kisha Katolike. Në deklaratën e tyre, që u kritikua shumë, Kisha Katolike kishte theksuar "padenjësinë sakramentale" të profesorit Çetta, që vazhdon të mbetet njëra nga figurat më të respektuara të historisë së Kosovës.

Për të respektuar mospëlqimin e vajzave të prof. Anton Çettës dhe pasi kemi hasur në padenjësinë sakramentale të tij, atëherë kemi sjellë vendim që të mos vendoset shtatorja e Anton Çettës”, kishte deklaruar sekretari i Ipeshkvisë së Kosovës, Don Fatmir Koliqi

Lajme të ngjashme