Kurti ua 'hallakat' pasditën e së shtunës të gjithëve, reagime të shumta për shifrat e kryeministrit

Një postim me rreth 400 fjalë i kryeministrit të Kosovës, Albin Kurti ku flet për “progresin ekonomik” të vendit ka shkaktuar reagime të shumta pasditen e së shtunës.

Kryeministri në shkrimin e publikuar në rrjetin social Facebook, pretendoi se ka pasur rritje ekonomike, ku përmendi ndihmën për biznese vendore, rritje të eskportit, investime të huaja, shtim të vendeve të reja të punës e të tjera.

“Progresi ekonomik nuk është hamendësim e as rastësi. Ai është rezultat i politikave të duhura dhe qeverisjes së mirë. Shifrat dhe indikatorët më lart janë dëshmia jonë për këtë”, kështu e përfundoi Kurti shkrimin e tij.

Instat / 40 mijë vende pune, 400 milionë investime dhe shifra tjera: Albin Kurti në 'botën e çudirave'

Kritikat

Shefi i ekzekutivit mori kritika për këtë shkrim, pasi që nuk publikoi asnjë fakt rreth shifrave e statistikave të vendosura në të.

I pari që i reagoi, ishte ish-kryetari i Odës Ekonomike të Kosovës, i cili e konsideroi si të pasaktë dhe tendencioz publikimin e bërë nga Kurti.

Ai mes tjerash, bëri edhe tri komente në lidhje me këtë çështje.

Tregu i Punës / Që 10 muaj Kurti fryhet me 25 mijë vendet e reja të punës: Historia qesharake e numrit të Qeverisë

Duke marrë parasysh se kryeministri Kurti tha se janë hapur rreth 15 mijë vende pune nga janari deri në gusht të këtij viti, Nacionale foli me kryetarin e Sindikatës së punëtorëve të sektorit privat, Jusuf Azemi.

Ky shkurt na tha kjo “nuk është e vërtetë”.

Aktivisti i Partisë Socialdemokrate, Nol Nushi tha se "Kurti për të mashtruar e për të bërë propagandë, nuk pushon as gjatë fundjavës".

“Per me mashtru e me bo propagande, kta s'pushojne as te shtunen e te dielen”, shkroi ai.

As disa prej qytetarëve s’e kanë pritur aq mirë këtë shkrim të Kurtit, të cilit, edhe nuk po i besojnë.

“Kryeminister nuk e di çfarë lapsi ke ti që po ta qet llogarinë aq për qejfi tënd kur po thua rritje ekonomike kur popullaten ne këtë vit e ke më të varfur se në kohën e luftës e sidomos këtë shtresën e varfur (shumicën) te popullit që varen prej një ose dy pagave. Po çuditem me faktin kur thua rritje ekonomike kur ka inflacion mbi 100% në shporten e konsumatorit e mbi 80% të popullatës së Kosovës. Shumë kisha patur dëshir ta kem një laps të tillë që kur të llogariti së paku atëherë të dal n’plus edhe të jem i vetëkënaqur!!!”, është një prej komenteve të qytetarëve.

Kurti merr edhe përkrahje

Pati të tillë që edhe e duartrokitën postimin e kryeministrit Kurti për rritje ekonomike.

Në Facebook janë bërë mbi 500 komente te ky shkrim, ndërsa disa përdorues të këtij rrjeti social i kanë shprehur “respekte” kreut të Qeverisë.

"Mashalla..Kurti..", ka qenë një prej komenteve.

Postimi i kryeministrit është shpërndarë nga shumë bashkëpartiakë të tij, duke përfshirë këtu zëdhënës, ministra, deputetë.

Kur jemi te deputetët, Armend Muja bëri një koment te postimi i ekonomistit Rrukiqi, ku mbrojti statistikat e publikuara nga shefi i partisë së tij.

Rukiqi e konsideroi kompaninë “Comodita” në pronësi të familjes Devolli, si një prej eksportuesve më të madh të dyshekëve nga Kosova, por Muja cilësoi se ky është “mit i pasaktë”.

“Kosova ka një gamë më të zgjeruar të produkteve të eksportuara dhe nuk duhet të thjeshtëzoni për të promovuar pasaktësinë e mitit të eksportit të dyshekëve – kjo nuk qëndron“, shkroi Muja poshtë statusit të Rukiqit.

Lexo edhe:

Muja mbron Kurtin në shifrat ekonomike, e quan suksesin e dyshekëve të Devollit "mit të pasaktë"