Kurti ishte në Mitrovicë, por aty nuk u pa Bedri Hamza: Nuk më kanë ftuar
Kryeministri i Kosovës Albin Kurti dje së bashku me ministrin e tij të Shëndetësisë, Arben Vitia përuruarn Repartin e Pediatrisë në Spitalin e Mitrovicës.
Megjithatë, siç ndodh rëndom në ngjarje të tilla, ftohen edhe kryetarët e komunave.
Por, njëjtë nuk ndodhi me të parin e Mitrovicës, Bedri Hamzën.
Ky i fundit për Kallxo.com ka bërë të ditur se nuk e kanë ftuar.
“Nuk kam marrë pjesë sepse nuk më kanë ftuar”, tha Hamza.
Kjo duket të jetë ndërlidhur edhe me kandidaturën e Hamzës për kryeministër nga PDK-ja.
E i lumtur për funksionalizimin e këtij reparti u shpreh kryeministri Kurti.
“Investimi është rreth 1 milion euro. Janë 11 dhoma me 25 shtretër dhe njëra prej dhomave do të jetë me intenzivë” – tha Kurti pas përurimit.
