Kurti, Borrellit: Kryetarët në veri do t’u shërbejnë të gjithëve
Pak pas mesnatës Kryeministri i Kosovës, Albin Kurti, ka zhvilluar bisedë telefonike me shefin e diplomacisë evropiane, Josep Borrell, të cilit i ka “theksuar” se kryetarët e rinj të zgjedhur në katër komunat të banuara me shumicë serbe “do të kryejnë shërbime për të gjithë qytetarët” kështu duke lënë të kuptojë se nuk do të ndërrojë kurs karshi trazirave të shkaktuara nga pakënaqësia e popullatës lokale atje që është tubuar edhe mëngjesin e sotëm.
“Pata bisedë telefonike me Përfaqësuesin e Lartë të Bashkimit Evropian, Josep Borrell, në lidhje me çështjet aktuale në katër komunat verirore. Ia theksova atë që kryetarët e rinj do të sigurojnë shërbime për të gjithë qytetarët. E rëndësishme është të intensifikojmë dialogun për zbatimin e plotë të Marrëveshjes Bazë”, ka shkruar Kurti në Twitter.
Had a call with HR/VP @JosepBorrellF regarding current issues, including post-elections in the four municipalities in the north. Emphasized that elected mayors will provide services to all citizens.
— Albin Kurti (@albinkurti) May 28, 2023
Important to intensify dialogue for full implementation of the Basic Agreement.
Kujtojmë se ditën e djeshme kryediplomati Borrell i kërkoi Albin Kurtit “të deeskalojë situatën” në një bisedë me Sekretarin Gjeneral të NATO’s, Jens Stoltenberg.
“Me Stoltenbergun u pajtuam që Prishtina duhet të depërshkalllëzojë situatën dhe të mos merr vendime të njëanshme dhe destabilizuese”, thanë Borrell dhe Stoltenberg.
Spoke to @NATO SG @jensstoltenberg about the situation in north of Kosovo. We agree that Pristina must de-escalate and not take unilateral, destabilising steps. Appreciate the continuous good coordination between @EULEXKosovo and @NATO_KFOR in ensuring a safe & secure environment
— Josep Borrell Fontelles (@JosepBorrellF) May 28, 2023
