Katër hapat e Avdullah Hotit që e nxjerrin Kosovën nga "ky kurth i Serbisë"
Ish-kryeministri i Kosovës, Avdullah Hoti, ka treguar katër veprimet që e nxjerrin Kosovën nga “kjo kurthë e Serbisë”.
Sipas Hotit me anë të këtyre veprimeve Qeveria Kurti mund të dalë nga kurtha e Serbisë.
Ai ka thënë se barrikadat duhet të hiqen në bashkëpunim me KFOR-in dhe se duhet kërkuar që SHBA dhe BE-ja të bëjnë persion tek Serbia.
Më tej, ai ka kërkuar nga Qeveria që të mos përmendin luftën dhe konfliktet.
“I keni lënë të zënë vend tepër gjatë”, ka thënë Hoti për barrikadat.
Shkrimi i tij:
Veprimet që nxjerrin Kosovën nga kjo kurthë e Serbisë:
1. Hiqni barrikadat në veri në bashkëpunim me KFOR-in. I keni lënë të zënë vend tepër gjatë.
2. Kërkoni me ngulm nga BE-ja dhe SHBA-ja të bëjnë presion tek Serbia të mos pengohen dhe të mos rrezikohen qytetarët tanë që kalojnë nëpër Serbi.
3. Ruajeni paqen fuqishëm. Tregoni gatishmëri për dialog dhe zgjidhje paqësore. Dëgjoni këshillat e miqve për veprimet që duhet ndërmarrë në kuadër të dialogut.
4. Mos përmendni luftë e konflikte. Luftën e kemi paguar shtrenjtë, por e kemi fituar me ndihmën e miqve. Rreziku është të humbim në paqe për shkak të humbjes së mbështetjes nga miqtë tanë.
