Haziri: LDK-ja bën opozitë konstruktive, gjithnjë kemi pasur politika të qarta
Lutfi Haziri, nënkryetar i LDK-së, ka theksuar se partia e tij dallon nga partitë e tjera, pasi sipas tij LDK-ja bën opozitë konstruktive.
Në Rubikon të Klan Kosovës, Haziri ka vlerësuar se LDK-ja ka pasur gjithnjë politika të qarta.
“Për dallim nga partitë tjera opozitare LDK-ja gjithherë ka pasur politika të qarta, rekomanduese, deri tek kjo e fundit e shtensionimit të situatës në veri. Kemi dal me një plan 7 pikësh. Kryetari Abdixhiku ka filluar ta diskutojë këtë me grupe përtej partiake. Dhe fazën e parë po e përfundojmë suksesshëm”, ka thënë Haziri.
