Hamasi besohet të ketë marrë "dhjetëra pengje" izraelite
Shefi i Zyrës së BBC-së për Lindje të Mesme, Jo Floto, ka raportuar se deri më tash dhjetëra pengje izraelite besohen të jenë marrë nga militantët e Hamasit pas sulmit terrorist të paprecedentë brenda territorit të shtetit të Izraelit.
“Ky është një skenar makth për shumë izraelitë. Ne e kuptojmë se dhjetëra pengje si ushtarakë ashtu edhe civilë janë marrë nga Hamasi. Disa mendohet se janë të izoluara në disa nga qytetet e vogla pranë Rripit të Gazës. Të tjerë që ne dimë janë kthyer në Gaza. Kjo është një situatë e jashtëzakonshme”, siç e citoi BBC.
Hamasi thotë se ka kapur 'oficerë të lartë', siç raportoi Graeme Baker për BBC-në në një transmetim të drejtpërdrejtë
Nënkryetari i byrosë politike të Hamasit, Saleh al-Arouri, ka thënë se "oficerë të lartë" nga ushtria izraelite janë kapur.
Ai i tha kanalit arab të Al Jazeera se "ajo që është në duart tona do të lirojë të gjithë të burgosurit" në Izrael - një referencë e dukshme për palestinezët që mbahen në burgjet izraelite.
"Ne kapëm oficerë të lartë nga ushtria okupuese," tha ai.
"Ka shumë palestinezë të vrarë dhe shumë izraelitë të vdekur si dhe të burgosur, dhe beteja është ende në kulmin e saj."
Arouri tha se Hamasi ishte gati të përballonte një inkursion tokësor izraelit në Gaza, të cilin ai e përshkroi si "skenarin më të mirë për ne për të zgjidhur konfliktin kundër armikut".
Asnjë nga këto pretendime nuk mund të verifikohet në mënyrë të pavarur nga BBC në këtë moment, dhe autoritetet izraelite nuk kanë komentuar asnjë nga raportet e shumta të marrjes peng.
