Gjykata e Gjilanit dënon me gjashtë vjet burgim dy të akuzuar për trafikim me njerëz
Gjykata Themelore në Gjilan ka shpallur aktgjykim dënues ndaj dy të akuzuarve, me inicialet B.H dhe B.A, të cilët u shpallën fajtor për veprën trafikim me njerëz.
Për secilin veç e veç Gjykata ka shqiptuar dënim me nga 3 vjt burgim e 300 euro gjobë.
Ata u shpallën fajtor sepse me bashkëveprim e shfrytëzuan gjendjen e rëndë ekonomike të të dëmtuarës A.H, nga kouna e Istogut, për ta trafikuar për qëllime të shfrytëzimit seksual.
Njoftimi i Gjykatës:
“Gjykata dënon me gjashtë vjet burgim dy të akuzuarit, për veprën penale trafikim me njerëz
Gjilan, 31.01.2023 – Gjykata Themelore në Gjilan ka shpall aktgjykim dënues ndaj të akuzuarve B. H. dhe B. A., për kryerjen e veprës penale; trafikim me njerëz.
Të pandehurit, gjatë vitit 2021 në bashkëveprim në dy lokacione të ndryshme në Motel në fshatin Domorovc, Komuna Ranilluk dhe në kafiterin në fshatin Dobërçan, Komuna e Gjilanit, e kanë trafikuar për qëllime të shfrytëzimit seksual të dëmtuarën A. H. nga Komuna e Istogut, duke e ditur gjendjen e saj të rëndë ekonomike-sociale, në atë mënyrë që e njëjta të ofroj shërbime seksuale me pagesë personave të ndryshëm.
Me këto veprime, të pandehurit kanë kryer veprën penale trafikim me njerëz, vepër e sanksionuar me Kodin Penal të Republikës së Kosovës (KPRK).
Palët e pakënaqura kanë të drejtën e ankesës ndaj këtij vendimi në Gjykatën e Apelit.”
