Episodi i 24-të: Deputetët edhe sot do të paraqiten për 3 minuta në Kuvend dhe të shkojnë sërish në pauzë
Deputetët e Kosovës sot do të paraqiten sërish në sallën e Kuvendit. Ata do të bëjnë edhe një përpjekje për konstituimin e Kuvendit.
Kjo do të jetë hera e 24-të që ata do të provojnë përfundimi i seancës konstituive, e cila ka filluar më 15 prill.
Në vazhdimi i seancës që pritet të fillojë në ora 10:30, nuk pritet të ketë ndonjë ndryshim nga përpjekjet paraprake.
Kjo pasi partitë politike deri me tani nuk kanë treguar se kanë ndryshuar pozicionet e tyre.
Duke u bazuar në atë që ka ndodhur në 23 tentativat paraprake, ata sërish do të paraqiten në sallë për 3-4 minuta dhe më pas do të shkojnë në pauzën e radhës prej 48 orëve.
Kjo pasi partitë politike deri me tani nuk kanë treguar se kanë ndryshuar pozicionet e tyre.
Kryesuesi i seancës konstituive, Avni Dehari pritet sërish që të tentojë të imponojë votimin për formimin e një komisioni për zgjedhjen e kryetarit të Kuvendit me votë të fshehtë.
Kjo mënyrë e votimit po kundërshtohet nga PDK, LDK dhe AAK.
Meqenëse VV-ja as për këtë komision nuk po arrin t`i marrë votat e nevojshme, pas dështimit të votimit, kryesuesi po e mbyll seancën.
Një veprim i tillë po kritikohet nga partitë e deridjeshme opozitare, duke thënë se kryesuesi po e shkel skenarin e përgatitur nga sekretaria e Kuvendit.
VV-ja ka bërë me dije që nuk tërhiqet nga propozimi i saj që deputetja Albulena Haxhiu të jetë kandidate për kryetare të Kuvendit.
Të njëjtën gjë e ka konfirmuar edhe mbrëmë deputetja e VV-së, Fitore Pacolli.
Madje, ajo i ka mohuar pretendimet e deputetëve Aton Quni dhe Duda Balje që njerëzit e VV-së i kanë kontaktuar dhe iu kanë ofruar favore të ndryshme në këmbim të votës së tyre për Albulena Haxhiun.
Ajo ka bërë me dije se deklarimet e tyre nuk janë të vërteta.
Në emisionin “Këndi i debatit” në tëvë1, ajo ka treguar se qysh VV-ja iu qaset deputetëve tjerë.
“E kam dëgjuar deklaratën e Qunit. Ai ka deklaruar që përmes një personi, që jeton diku jashtë Kosovës, i ka dhënë këtë ofertë. Ne z. Quni e shohim në Parlament, kështu që nëse ne i bëjmë ofertë direkte deputetëve, ne shkojmë në mënyrë direkte te deputetët. Ka deputetë edhe brenda VV-së edhe partive tjera që kanë komunikim të mirë me njëri-tjetrin. Edhe ne gjejmë deputetin që ka komunikim më të mirë më dikë edhe i themi “fol me të, shihe ku qëndron”. Po nuk organizojmë dikë prej jashtë”, ka deklaruar ajo.
Ajo ka vazhduar kritikat ndaj “opozitës”, duke thënë se PDK-ja, LDK-ja dhe AAK-ja ja shkaktarët e ngërçit institucional.
“Ne po e shohim shumë qartë qe opoziat nuk po don me pru deri të momenti kur VV-ja do të provoj me shiku a i ka votat që të krijoj Qeverin përmes Albulena Haxhiut po mundohen me blloku por qëllimi i tyre është që të bllokojn Albin Kurtin që të zgjidhet kryeministër i Kosovës edhe problemi është ky tek ata”, është shprehur Pacolli.
