Driton Selmanaj për konferencën e VV-së: Skandaloze, e turpshme dhe e pamoralshme
Deputeti i LDK-së, Driton Selmanaj, ka reaguar ashpër për konferencën e VV-së lidhur me rastin Dehari.
Selmanaj këtë konferencë e ka quajtur skandaloze, të turpshme dhe të pamoralshme.
Postimi:
Konferenca e LVV-së për rastin Astrit Dehari, skandaloze, e turpshme madje edhe e pa moralshme!
Rasti i Astrit Deharit është rasti që shpërfaqë pafytyrësinë dhe logjikën e turpshme, se çfarë është në gjendje të bëjë një parti politike në rastin konkret Lëvizja Vetëvendosje për të ardhur dhe mbajtur pushtetin.
Për gati 4 vite në qeverisje, nuk ndërmorën asnjë veprim serioz për t’i indihmuar institucionet e drejtësisë për zbardhjen e këtij rasti, por krejt çka bënë, është se në qeverisjen e tyre për 3 herë radhazi u dogj Instituti i Mjekësisë Ligjore, vendi ku thuhej se ruheshin mostrat e të ndjerit Astrit Dehari.
Deri sot asnjë përgjigje të vetme se kush ia vuri flakën Institutit të Mjekësisë Ligjore?
Kush ishin shkaqet dhe shkaktarët?
A u vu dikush para përgjegjësisë penale?
A dha dikush dorëheqje nga pozitat politike dhe menaxheriale?
Përgjigja është e qartë ASKUSH, sepse LVV qeverisë me vendin.
Për 4 vite nuk bënë gjë për të. Për 4 vite gati se e harruan në tërësi. Kurse tash kur zgjedhjet po afrohen, LVV ndez makinerinë e saj të turpshme, për ta vu në funksion të plotë për qëllime elektorale dhe politike.
Rasti Dehari meriton drejtësi,në radhë të parë për familjen e tij dhe popullin e Kosovës.
Sa më larg qëndron LVV nga kjo çështje, aq më shumë do i bën nderë familjes dhe drejtësisë kosovare!
