Dërguti pretendon se një shkrim mund të jetë arsyeja e bastisjes së ish-këshilltarit të Thaçit nga Specialja
Ish-nënkryetarja e Vetëvendosjes, Aida Dërguti, e ka ngritur një pretendim të habitshëm në profilin e saj në Facebook pas bastisjes së banesës së ish-këshilltarit të Hashim Thaçit, Adil Behramit.
Dërguti ka ndarë me ndjekësit e saj në Facebook një pjesë të një editoriali të shkruar nga z. Behrami, e ku thjesht shprehet qëndrimi i tij në lidhje me Gjykatën Speciale.
“Nëse arsyeja e bastisjes së Adil Behramit qenka editoriali i tij, atëhere në shenjë të përkrahjes, po ia ripostoj deklaratën.” – u shpreh ajo në Facebook.
Por, çka shkruhet në atë editorial?
Në fakt, asgjë e jashtëzakonshme.
“Bashkësia ndërkombëtare e detyroi Kosovën ta themelonte Gjykatën Speciale për t’i adresuar akuzat e rreme të raportit të Dick Martyt. Por, kur ata nuk ishin në gjendje të gjenin prova për t’i mbështetur ato pretendime, Zyra e Prokurorit të Specializuar doli me pretendime të reja për ta justifikuar mashtrimin e tyre. Një mashtrim i tillë nuk do të isthe toleruar në asnjë shtet të Bashkimit Evropian, por po tolerohet gjithmonë kur viktima të mashtrimit janë shqiptarët,” – është pjesa e ndarë nga znj. Dërguti.
Behrami në anën tjetër është shprehur se po pengohet puna e gazetarëve pas bastisjes.
Statusi i znj. Dërguti:
