Daçiq: Propozimi franko-gjerman pavarësisht sa i vështirë, ka vetëm një fjali që hap perspektivën evropiane
Zëvendëskryeministri i parë i Serbisë dhe Ministri i Jashtëm Ivica Daçiq, ka thënë se propozimi franko-gjerman është i vështirë për të dyja palët, pra edhe për Prishtinën edhe për Beogradin.
Siç raporton media serbe, Tanjug, ai ka thënë se ky propozim ka vetëm një fjali që hap perspektivën evropiane.
“Nuk e di nëse ne do të presim të bëhemi shtete anëtare të BE-së. Për çfarë perspektive po flasim ne, kur ne e dimë që në propozimin franko-gjerman, pavarësisht se sa i vështirë dhe i dhimbshëm që është për Beogradin dhe Prishtinën, ka vetëm një fjali që hap perspektivën evropiane”, ka thënë ai.
