Çitaku për Qeverinë: Kur armiqtë e jashtëm s’u bënë punë, i bënë mediat dhe gazetarët armiqë të brendshëm
“Kur u armiqtë e jashtëm s’u bënë punëm, u mësynë krijimin armiqëve të brendshëm: mediat dhe gazetarët”. Kështu ka shkruar një reagim Nënkryetarja e Partisë Demokratike të Kosovës, Vlora Çitaku, ku ka shtjelluar tërë ngjarjet e fundit në vend.
“Nuk i kemi harruar veriun, sanksionet dhe as koordinimin me Radojçiqin!”, e nisi reagimin Çitaku për çka tha se “Mbi dy vjet keqqeverisje të një mandati të dytë, të mbushur me skandale e afera korruptive, u provuan të mbulohen nga Qeveria me një situatë të tensionuar në pjesën veriore të vendit”.
Reagimi i Çitakut:
Nuk i kemi harruar veriun, sanksionet dhe as koordinimin me Radojçiqin!
Mbi dy vjet keqqeverisje të një mandati të dytë, të mbushur me skandale e afera korruptive, u provuan të mbulohen nga Qeveria me një situatë të tensionuar në pjesën veriore të vendit.
Derisa popullin e terrorizuan për disa muaj përmes populizmave luftënxitëse, shtetit ia sollën edhe sanksionet e para nga vetë aleatët më të afërt ndërkombëtarë, SHBA-të dhe BE-ja.
Në krye të kësaj, u doli edhe përgjimi që dëshmon koordinimin e kësaj Qeverie me kriminelë si Millan Radojçiqi – në dëm të interesit të shtetit dhe qytetarëve.
E kur armiqët e jashtëm nuk u bën punë, u mësynë në krijimin e armiqëve të brendshëm: Mediat dhe gazetarët.
Pesë ministra e shumë zyrtarë, nga të gjitha llojet, sot janë nën hetime për keqpërdorim të detyrës zyrtare. Miliona euro të shpërdoruara e keqmenaxhuara nga ministria, ambasadorë e shefa të ndërmarrjeve – të cilat burimin e kanë të kreu i Qeverisë.
Stagnim në ekonomi, shëndetësi, arsim, diplomaci, drejtësi dhe secilin sektor tjetër në Qeveri.
Varfëri e dëshpërim në secilën familje të qytetarëve të vendit.
Ky është bilanci i vetëm i kësaj Qeverie, për të cilin, qytetarët do të dijnë të gjykojnë në momentin e parë që do ta kenë mundësinë.
