Çitaku kujton Zahir Pajazitin: Ishte pushka e parë e lirisë
Nënkryetarja e PDK-së, Vlora Çitaku, ka bërë homazhe tek shtatorja e Zahir Pajazitit në Prishtinë.
Ajo përmes një postimi në Facebook, ka thënë se Pajaziti ishte pushka e parë e lirisë.
Çitaku gjithashtu ka përmendur edhe Hakif Zejnullahu dhe Edmond Hoxha duke thënë se janë dy heronjtë tjerë e të paharruar të Kosovës.
“Zahir Pajaziti, pushka e parë e lirisë, ra për të mos vdekur kurrë më 31 janar të vitit 1997, së bashku me dy heronjtë tjerë e të paharruar të vendit tonë, Hakif Zejnullahu dhe Edmond Hoxha. Lavdi të përjetshme trimave të Kosovës!”, ka thënë Çitaku.
