Chollet flet me Kurtin: Zbatimi i planit evropian do të zhbllokojë përfitime të rëndësishme për të dy vendet

Ndihmës Sekretari Amerikan i Shtetit për Evropën dhe Euroazinë, Derek Chollet, ka njoftuar në Twitter se ka pasur një bisedë telefonike me kryeministrin e Kosovës, Albin Kurti. Gjatë diskutimit të tyre, ata thuhet se folën për takimin e ardhshëm në Ohër, i cili është caktuar për 18 mars.

Takimi do të sjellë së bashku kryeministrin Kurti dhe presidentin e Serbisë Aleksandar Vuçiq për të diskutuar për normalizimin e marrëdhënieve ndërmjet dy vendeve në kuadër të plani evropian.

Në shkrimin e tij në Twitter të Chollet thuhet se ata kanë diskutuar për Dialogun e lehtësuar nga Bashkimi Evropian ndërmjet Kosovës dhe Serbisë. Ndihmës Sekretari i Shtetit i SHBA-së theksoi se zbatimi i planit të propozuar do të zhbllokonte përfitime të rëndësishme si për Kosovën ashtu edhe për Serbinë dhe do të demonstronte një përkushtim për një të ardhme paqësore për rajonin.

"Bisedova me kryeministrin Albin Kurti për bisedimet e nesërme për normalizimin e marrëdhënieve me Serbinë përmes Dialogut të Lehtësuar nga BE-ja. Zbatimi do të zhbllokojë përfitime të rëndësishme për të dy vendet dhe do të tregojë përkushtim për një të ardhme paqësore për rajonin." - shkroi Chollet.