Borrell në Twitter: Kemi bërë disa përparime, por duhet më shumë punë
Shefi i lartë i Bashkimi Evropian, Josep Borrell ka reaguar përmes një postimi në Twitter për takimin e mbajtur në Bruksel.
Borrell ka përsëritur se Kurti dhe Vuçiq, janë pajtuar se nuk ka nevojë për diskutime të mëtejshme për propozimin evropian.
“Presidenti i Serbisë, Aleksandar Vuçiq dhe Kryeministri i Kosovës, Albin Kurti sot janë pajtuar se nuk nevojiten diskutime të mëtejshme për Propozimin e BE-së – “Marrëveshja për rrugën drejt normalizimit ndërmjet Kosovës dhe Serbisë”. – ka shkruar Borrell.
Ai tutje ka thënë se nga takimi i sotëm kanë bërë disa përparime, por sipas tij ka edhe shumë punë.
Borrell ka folur edhe për takimin që pritet të mbahet në mars, duke thënë se qëllimi i takimit është finalizimi i diskutimeve për aneksin e zbatimit, që sipas tij do të drejtojë fazën e zbatimit të marrëveshjes.
“Sot kemi bërë disa përparime, por duhet më shumë punë. Marrëveshja është mbi të gjitha për qytetarët e Kosovës dhe Serbisë. Gjatë muajit mars do të thërras një takim tjetër mes dy liderëve me qëllim finalizimin e diskutimeve për aneksin e zbatimit, i cili do të drejtojë fazën e zbatimit të Marrëveshjes.” – ka përfunduar ai.
The Agreement is above all for the citizens of Kosovo & Serbia.
— Josep Borrell Fontelles (@JosepBorrellF) February 27, 2023
I will convene another meeting between the two leaders in the course of March with the aim to finalise the discussions on the Implementation Annex, which will guide the implementation phase of the Agreement. pic.twitter.com/fOmCwtaMmJ
