Bllokada në Merdare: Serbët e Serbisë thonë se po u japin përkrahje serbëve të veriut
Vendkalimi në Merdare është bllokuar mbrëmë nga një grup i serbëve.
Një grup prej dhjetra serbëve me iniciativën e tyre kanë bllokuar një rimorkio me kamion dhe traktor, rreth një qind metra larg vendkalimit të kufirit, duke bllokuar dy drejtimet, shkruan JuzneVesti, përcjell Gazeta Nacionale.
Gjatë natës së mbrëmshme policia kishte tentuar të largoj turmën dhe përpoq që t’i bindte të zhbllokonin atë, por bllokadate ende mbeten aty.
Sipas mediumit, ata që i kishin vendosr këto barrikadat, kishin deklaruar se në këtë mënyrë po u japin përkrahje serbëve nga veriu i Kosovës të cilët për të nëntëmbëdhjetë ditë janë në barrikada në atë pjesë të provincës jugore të Serbisë, duke kërkuar plotësimin e kërkesave që i kanë bër, si lirimin e serbëve të arrestuar, tërheqjën e anëtarëve të ROSU nga veriu i Mitrovicës si dhe tërheqja e listave për arrestimin e serbëve.
Me iniciativën e tyre, derimë tani rruga Kurshumlijë - Podujevë në fshatin Merdare, qëndron ende e bllokuar.
“Është krijuar një kolonë e madhe veturash në njërën anë dhe në anën tjetër, dhe pyetja e madhe është se si do të zgjidhet kjo, sepse ne jemi vendosur të qëndrojnë atje sa të zgjasin bllokadat në veri të Kosovës”, kanë thënë pjesëmarrësit e bllokadës.
E përderisa veturat që kanë shkuar në drejtim të Kosovës edhe nga ana e kundërt po kthehen.
Bëjëm të ditur se ende janë të bllokuara vendkalimet administrative Jarinje dhe Bërnjak në veri të Kosovës.
Aktualisht, ndërmjet Serbisë dhe Kosovës, janë të kalueshme vetëm vendkalimet administrative Mutivode dhe Bela Zemja në Rajonin Detar të Kosovës./Nacionale/
