Begaj: I pikëlluar nga tërmeti në Turqi e Siri, unë dhe shqiptarët qëndrojmë pranë të prekurve
Rreth 600 persona kanë vdekur në Turqi e Siri si pasojë e një tërmeti të tmerrshëm që ka goditur dy vendet. Mijëra persona llogariten të jenë ende nën rrënoja, përderisa numër i madh i personave janë të lënduar.
Presidenti i Shqipërisë, Bajram Begaj, përmes një postimi në Twitter ka shprehur ngushëllime për viktimat e tërmetit në Turqi dhe Siri.
“I pikëlluar thellësisht nga tërmeti shkatërrues që goditi Turqinë dhe Sirinë këtë mëngjes. Unë dhe shqiptarët qëndrojmë pranë njerëzve të prekur dhe familjeve që humbën të dashurit e tyre në këtë tragjedi, duke shprehur ngushëllimet, mendimet dhe lutjet tona të sinqerta për ta”, ka shkruar Begaj në Twitter.
Deeply saddened by the devastating earthquake that hit #Türkiye and #Syria this morning. I and Albanians stand with the affected people and their families, who lost their loved ones in this terrible tragedy, offering our sincere condolences, thoughts and prayers.
— Bajram Begaj (@BajramBegajAL) February 6, 2023
