Basha thotë se Edi Rama do të gjente përkrahje më shumë në Serbi se në Kosovë
Dimal Basha, deputet i VV-së, ka reaguar ndaj një shkrimi të mediumit “Euroneës Albania”. Duket se Bashës nuk i ka pëlqyer titulli i shkrimit.
Sipas Bahës, mediet në Shqipëri ia kanë mësyer që me zor ta bëjnë të famshëm Edi Ramën, kryeministër i Shqipërisë, në Kosovë.
Madje, Basha ka pretenduar se ka arritur të gjejë një manipulim.
“Mediat n’Shqipëri ia kanë msy me zor me ba t’famshëm Edi Ramën në Kosovë!
Ja një manipulim:
Të dhënat e një hulumtimi tregojnë që 55% e qytetarëve të Kosovës NUK do ta donin asnjërin prej politikanëve shqiptarë nga Shqipëria t'i përfaqësonte në Kosovë. Vetëm 22% kanë zgjedhur Edi Ramën.
Tash mediumi prapë e bën lajm titullin: “EDI RAMA POLITIKANI QË QYTETARËT NË KOSOVË DO DONIN T'I PËRFAQËSONI.” – shkruan Basha, ndër të tjera.
Tutje, ai ka bërë një pretendim të ashpër, duke thënë se Rama do të gjente më shumë përkrahje në Serbi sesa në Kosovë.
“Unë e kam një bindje që në Serbi gjen më shumë se 22% përkrahje, dhe kjo marrë parasysh raportet e tij të mira me Vuçiqin!” – shkruan ai.
