Bajrami: Mazhoranca në Kuvend duke ju nënshtru Qeverisë ka shkelë 10 herë Kushtetutën
Deputetja e LDK-së, ka kritikuar ligjeslaturën e pushtetit, duke thënë se mazhoranca në Kuvend ka shkelur 10 herë Kushtetutën e vendit.
Bajrami ka renditur disa nga dështimet, si sabotimi i punës së komisioneve hetimore si dhe ligjet e sjellura në Kuvend.
“E sa ju përket ligjeve të miratuara, këtu vend për lavdata nuk ka, sepse gjatë këtij mandati plot 112 ligje janë ndryshu me nga një nen maksimum dy nene për tu harmonizuar me dy Ligje që janë ndryshu siç duhet: Me Ligjin për Kundërvajtje - janë ndryshu 31 ligje tjera (një nen ose dy maksimum).” – ka shkruar ndër të tjera ajo.
Shkrimi i plotë:
Propaganda nuk kalon
Kjo legjislaturë veç e suksesshme nuk mund të quhet sepse: mazhoranca në Kuvend duke ju nënështru Qeverisë ka shkelë 10 herë Kushtetutën e Republikës së Kosovës - plot 10 herë.
A është sukses ky?
Mazhoranca gjithashtu ka sabotu punë e shumicës së komisioneve hetimore, duke mbrojtë me fanatizëm të korruptuarit e partisë në Qeveri, kjo s'ka ndodhë asnjëherë në historinë e Kuvendit të Republikës së Kosovës.
Ndërsa sesioni pranveror nuk ka përfundu me 1 gusht siç po thuhet, sepse ka muaj që Kuvendi s'ka mbajtë seancë të rregullt, në emër gjoja të ''renovimit të sallës plenare''.
E sa ju përket ligjeve të miratuara, këtu vend për lavdata nuk ka, sepse gjatë këtij mandati plot 112 ligje janë ndryshu me nga një nen maksimum dy nene për tu harmonizuar me dy Ligje që janë ndryshu siç duhet:
Me Ligjin për Kundërvajtje - janë ndryshu 31 ligje tjera (një nen ose dy maksimum).
Me Ligji për Procedurën e Përgjithshme Administrativenë në fazën e parë janë ndryshu 38 ligje me nga një nen maksimum dy dhe në fazën e dytë janë ndryshu 43 ligje me një nen maksimum.
Dmth. në këtë mandat me 2 ligje janë ndryshu 112 ligje.
Kur t'i heqim 112 ligje nga totali i ligjeve të aprovuara në këtë mandat ajo që këta quajnë ''përformancë'' bie me 50%.
Qytetarët e kanë kuptuar kush jeni, andaj s'ju ka mbetë tjetër veç manipulimit me shifra e ''patriotizmit'' për vota që sot na e shesin dezertorët e dikurshëm.
