Avokati serb pasi Azem Kurtaj u dërgua në arrest shtëpiak: E kundërshtuam vendimin, krimi ishte serioz
Avokati Milloshe Delleviq, që përfaqëson dy të rinjtë serbë nga Gotovusha që ishin plagosur nga Azem Kurtaj – ushtar i FSK-së – u shpreh se ishin kundër që ky i fundit të vendosej në arrest shtëpiak.
Delleviqi i tha gazetës Kosovo-Online se seanca e parë dëgjimore kundër Azem Kurtajt u mbajt sot dhe se i pandehuri nuk e kishte pranuar fajësinë për dy krimet me të cilat akuzohej.
“Avokati i tij propozoi që të zëvendësohej masa e paraburgimit me atë të arrestit shtëpiak dhe gjykata e aprovoi kërkesën. Ne kundërshtuam, por gjykata nuk i mori parasysh arsyet tona se krimi ishte serioz...” – tha avokat Delleviqi.
Ai u shpreh se do të insistonin deri në fund që të rikualifikohej lënda në tentim-vrasje.
Në lidhje me rastin që kishte ndodhur në fshatin Gotovushë kishte reaguar edhe kryeministri Kurti por edhe ministri Armend Mehaj mes shumë figurash tjera.
