Ambasada Amerikane nderon kujtimin e rreshterit Afrim Bunjaku
Ngarkuara me punë e Ambasadës së Shteteve të Bashkuara në Kosovë, Anu Prattipati, iu bashkua sot udhëheqësve institucionalë të Kosovës dhe përfaqësuesve diplomatikë për të nderuar kujtimin e policit të Kosovës, rreshterit Afrim Bunjaku.
Bunjaku u vra dy vite më parë, gjatë sulmit terrorist në Banjskë, teksa ishte në krye të detyrës.
Ambasada Amerikane ka theksuar se sakrifica e tij mbetet dëshmi e përkushtimit të policëve të Kosovës për mbrojtjen e vendit dhe sigurinë e qytetarëve.
