Abdixhiku pret në iftar përfaqësuesit e BIK-ut: Të shërbejnë këto ditë për të dhënë mesazh për solidaritet
Kryetari i Lidhjes Demokratike të Kosovës, Lumir Abdixhiku ka pritur për iftar Myftiun e Bashkësisë Islame të Kosovës, Naim Tërnava me bashkëpunëtorë.
Abdixhiku ka thënë se në këto ditë të fundit të muajit Ramazan besimtarët mysliman luten për agjërimin e pranuar.
Ai tutje ka thënë që të shërbejnë këto ditë për të dhënë mesazh për më shumë solidaritet, tolerancë dhe paqe në vendin tonë.
“Këto ditë të fundit të muajit të Ramazanit, besimtarët myslimanë luten për agjërim të pranuar dhe të dalin nga ky muaj të pasuruar shpirtërisht. Le të shërbejnë këto ditë për të dhënë mesazh për më shumë solidaritet, tolerancë dhe paqe në vendin tonë. Qytetarët e Kosovës gjithmonë janë shquar për vlera humane, vëllazërore dhe solidariteti, duke u dëshmuar si shoqëri që respekton njëri-tjetrin e ndanë me ata në nevojë – prandaj, le të vazhdojmë t’i mbajmë këto vlera edhe përtej këtij muaji të shenjtë.” – ka thënë Abdixhiku.
