37 shtëpi për skamnorët ishin planifikuar të ndërtohen në fundin e muajit nëntor në komunën e Prizrenit. Disa nga to u ndërtuan, e të tjerat jo. Kjo pasi 3 familjeve nuk iu dërgua materiali ndërtimor për t’i ndërtuar këto shtëpi. Madje, pavarësisht se komuna e Prizrenit kishte paguar tenderin, materiali ndërtimor këtyre familjeve nuk iu shkoi kurrë. Për këtë, po akuzohen pesë persona, katër zyrtarë komunalë, dhe pronari i një kompanie.
