Meqenëse nuk doni ta largoni - Pesë libra që produksioni mund t'ia çoj Stresit në shtëpi për ta kuptuar ku është gabimi - NACIONALE

Meqenëse nuk doni ta largoni - Pesë libra që produksioni mund t'ia çoj Stresit në shtëpi për ta kuptuar ku është gabimi

1 javë më parë

nga NACIONALE

Glenn Lutz, Service 95

Duke u rritur në vitet ‘90 dhe në fillim të viteve 2000, përqafova idenë se fokusimi në shëndetin tim mendor ishte një luks që nuk mund ta përballoja. Mendova, “Ka njerëz që ndodhen në situatë më të keqe se e imja, atëherë për çfarë të ankohem?”. Historikisht, shoqëria nuk i ka kushtuar shumë vëmendje shëndetit mendor të burrave dhe kjo është pikërisht arsyeja pse po flasim për këtë tani.

Vitet e fundit kanë qenë të vështira për shumë njerëz dhe si rrjedhojë po shohim një rritje të problemeve të shëndetit mendor në mbarë botën. Si njeri me ngjyrë, është e dhimbshme të dish se shkalla e vetëvrasjeve tek të rinjtë me ngjyrë po rritet më shumë se në çdo grup tjetër etnik. Vëmendja ndaj shëndetit mendor është thelbësore për të gjithë, qofshin burra, gra, queers, jogjinorë etj.

Si dikush që vuan nga çrregullimi bipolar II, puna me organizata që luftojnë për të destigmatizuar sëmundjet mendore zë vendin kryesor dhe vitin e kaluar u bëra ambasador i Aleancës Kombëtare për Sëmundjet Mendore (NAMI). Kështu që është një nder i madh për mua të redaktoj dy buletinet e ardhshme mbi shëndetin mendor të burrave për Service95.

Qëllimi i këtyre tregimeve është të ndihmojë në lehtësimin e dialogut dhe përfundimisht të sjellë ndryshim në lidhje me shëndetin mendor të burrave. Kontribuuesit tanë përfshijnë shkrimtarin dhe poetin Ocean Vuong, i cili sfidon normat shoqërore përmes veprës së tij me mprehtësi dhe hijeshi mjeshtërore; Salman Toor, pikturat e të cilit shprehin magjepsjen e jetës së përditshme të burrave queer me ngjyrë – sugjerime intime të prezantuara me një aftësi dhe stil unik – dhe Dr. Kathleen St. Louis Caliento (motra ime e madhe!), jeta e së cilës është përkushtuar për të ndihmuar të tjerët; si drejtoreshë ekzekutive e Cara Collective, ajo së bashku me ekipin e saj janë përkushtuar për t’u siguruar njerëzve mjetet e duhura për të eliminuar efektet e varfërisë, të rrënjosura në realitetin se ekziston një lidhje e fortë mes papunësisë dhe shëndetit mendor.

Në numrin e javës së ardhshme Mark Ronson, producenti i suksesshëm i muzikës, që na ka kënaqur me disa nga këngët më të famshme të 20 viteve të fundit, na flet ekskluzivisht për betejën e tij me çrregullimet e panikut. Nuk mund të rrimë pa përmendur edhe Sahara Longe, një artiste e re me një dhunti të veçantë, e cila po fiton popullaritet me pikturat e saj figurative në të cilat krijon personazhe meshkuj që na flasin, duke eksploruar gjendje shpirtërore që na lidhin dhe zbulojnë të vërtetat e fshehura për ne.

Por, sigurisht që ka ende shumë punë për të bërë. Ne të gjithë kemi prejardhje, aftësi dhe pengesa unike, por thellë brenda nesh është një energji që na lidh në mënyra që ende nuk i kemi kuptuar plotësisht. Unë besoj se tregimi i historive tona është një pjesë e rëndësishme e këtij procesi. Po ju rekomandoj pesë libra që më kanë hapur mendjen ndaj këndvështrimeve të reja...

Glenn Lutz

  1. Mama nga Terry McMillan
  2. On Earth We’re Briefly Gorgeous nga Ocean Vuong
  3. The Measure Of A Man: A Spiritual Autobiography nga Sidney Poitier
  4. Born A Crime nga Trevor Noah
  5. Meditations nga Marcus Aurelius

Lajme të ngjashme