Zonja e Parë e ShBA-së, Jill Biden, rezulton pozitive për Covid-19

Zonja e Parë e ShBA-së, Jill Biden ka rezultuar pozitive për Covid-19 dhe po përjeton simptoma të lehta, ka njoftuar të martën zëdhënësi i saj.

"Pas testimit negativ për Covid-19 të hënën gjatë kadencës së saj të rregullt të testimit, Zonja e Parë filloi të zhvillonte simptoma të ngjashme me të ftohtin vonë në mbrëmje. Ajo doli përsëri negative në një test të shpejtë të antigjenit, por një test PCR doli pozitiv," njoftoi Elizabeth Alexander, drejtoresha e saj e komunikimit.

Zonja e parë, e cila është e vaksinuar dy herë dhe ka dy doza përforcuese, po trajtohet me Paxlovid, ilaçin antiviral të Pfizer.

Jill Biden është 71 vjeç, duke qenë kështu zonja e parë më e vjetër në historinë moderne amerikane.