Zjarr i madh në fshatrat e Mitrovicës, KFOR-i dhe FSK-ja ndihmojnë në terren
Zjarr i madh ka kapluar fshatin Cërrnushë në Mitrovicë.
Si pasojë, përveç zjarrfikësve, është kërkuar edhe ndihmë nga banorët e fshatrave përreth si Shupkovc e Kçiq.
Lajmin për gazetën Nacionale e ka konfirmuar edhe Policia e Kosovës për rajonin e Mitrovicës.
Fexhrije Pllana nga kjo zyrë, ka thënë se përveç zjarrfikësve, në terren kanë dalur edhe pjesëtarët e KFOR-it dhe FSK-së.
“Sot rreth orës 15:08 është raportuar për një zjarr në Cërrnushë. Policia, zjarrfikësit, FSK dhe zjarrfikësit e KFOR-it janë në vendngjarje duke u munduar ta lokalizojnë zjarrin”, ka thënë Pllana për Nacionalen.
