Xhelal Sveçla shpallet fajtor për hedhjen e gazit lotsjellës në Kuvend

Ministri në detyrë i Punëve të Brendshme, Xhelal Sveçla, është shpallur fajtor për akuzat lidhur me përdorimin e armës dhe hedhjen e bombolës së gazit lotsjellës në Kuvendin e Kosovës. Dënimi për veprën penale pritet të shpallet më 8 shtator.

Rasti lidhet me ngjarjen e 21 marsit 2018, gjatë seancës për ratifikimin e Marrëveshjes së Demarkacionit me Malin e Zi. Sveçla ishte deklaruar i pafajshëm, duke thënë se veprimi kishte qenë politik.

Gjykata ndërkohë ka vendosur që procedura ndaj Sveçlës të ndahet nga ajo ndaj ish-deputetëve të Vetëvendosjes, Drita Millaku, Fitore Pacolli-Dalipi dhe Salih Zyba.